Gürcüstanın baş naziri İrakli Ğaribaşvili Liz Trası Birləşmiş Krallığın baş naziri seçilməsi münasibətilə təbrik edir.

Hökumət başçısı “Twitter” sosial şəbəkəsində Gürcüstanla Birləşmiş Krallıq arasında münasibətlərin son illərdə ən yüksək həddə çatdığını və keyfiyyətcə yeni səviyyəyə yüksəldiyini yazır.

“Xanım Liz Trası yeni vəzifəyə təyin olunması münasibətilə təbrik edirəm. Gürcüstanla Birləşmiş Krallıq arasında münasibətlər son illərdə ən yüksək həddə çatıb və keyfiyyətcə yeni səviyyəyə yüksəlib. Gürcüstan hökuməti adından Liz Trasa çağırışlarla dolu bir dövrdə, bu çox mühüm vəzifədə uğurlar arzulayıram”-deyə İrakli Ğaribaşvili yazır.

Britaniyanın yeni baş naziri olaraq Liz Tras seçilib. Bir az bundan əvvəl Britaniyanın “Mühafizəkarlar Partiyası”nın qurultayında səsvermənin nəticələri açıqlanıb.