Gürcüstanın Baş naziri İrakli Ğaribaşvili media nümayəndələrini gürcü Jurnalistika Günü münasibətilə təbrik edir.

“Hər bir jurnalisti, bütün media əməkdaşlarını gürcü Jurnalistika Günü münasibətilə təbrik edirəm.

İctimaiyyət qarşısında məsuliyyətə və yüksək peşəkar etika standartlarına əsaslanan fəaliyyətiniz ölkəmizin demokratik inkişafı və onun Avropa gələcəyinin qurulması üçün əsasdır. İctimaiyyətin məlumatlandırılması kimi olduqca vacib vəzifəyə xidmət etməklə yanaşı, həm də siyasi və ictimai mədəniyyətin inkişafına, demokratik dəyərlərin bərqərar olmasına xüsusi töhfə verirsiniz.

Hökumətimiz və siyasi komandamız peşənizin böyük dövlət əhəmiyyətini yaxşı başa düşür. Bunun sübutu “Gürcü Arzusu”nun media plüralizmin əsaslı şəkildə yaxşılaşması və müstəqillik dərəcəsinin yüksəlməsi ilə nəticələnmiş islahatlarıdır.

Əməyinizə görə sizlərə təşəkkür edirəm və olduqca mühüm fəaliyyətinizdə uğurlar arzulayıram” – deyə Gürcüstanın Baş naziri İrakli Ğaribaşvilinin təbrikində deyilir.