Təəssüflər olsun ki, xanım prezident hökumətin göndərdiyi rədd cavabını nəzərə almadı və o, konstitusiyanı nümayişkaranə şəkildə pozdu, bildiyiniz üzrə, konstitusiya xarici siyasətin Gürcüstan hökuməti tərəfindən həyata keçirildiyini izah edir, əgər hökumət prezidentə icazə verərsə, yalnız bu halda o, bu səlahiyyəti yerinə yetirə bilər – deyə baş nazir İrakli Ğaribaşvili qeyd edib.

Ğaribaşvilinin hökumətin iclasında qeyd etdiyi kimi, o, Gürcüstanı xaricdə təmsil etmək üçün prezidentə təmsilçilik verə bilməzdi.

“Təxminən bir ay əvvəl mən bu səfərlərə dair rəsmi imtina göndərmişdim və buradaca öz arqumentimizi təqdim etmək istəyirəm. O, bir neçə ay əvvəl Gürcüstan hökumətinin üzərinə götürdüyü öhdəlikləri yerinə yetirmədiyini dedi və ən narahatlıq doğuran onun Gürcüstanın ötən il namizəd statusuna layiq olmamasını deməsi oldu. Bundan sonra, əlbəttə ki, sadəcə etibarı itirmək üçün bizə daha çox dəlil lazım deyil. Bizim heç bir motivasiyamız yox idi, tərəfimdən ona hansısa səlahiyyət həvalə etməyim haqsızlıq olardı. Təəssüf ki, Gürcüstan prezidenti qanunu nümayişkaranə şəkildə pozur. Bu zaman biz nümunə olmalıyıq. Bundan irəli gələrək, hakim partiyanın qəbul etdiyi qərar əsaslı idi” –deyə Ğaribaşvili qeyd edib.