Xorvatiya hər zaman Gürcüstanın Avropa gələcəyinin güclü tərəfdarı olub, biz həqiqətən Xorvatiya ilə dostluq və tərəfdaşlıqda maraqlıyıq-bu barədə Gürcüstanın Baş naziri İrakli Ğaribaşvili Gürcüstanın Zaqrebdəki səfirliyinin açılışında bildirib.

Baş nazir Gürcüstanın Xorvatiyanın göstərdiyi dəstəyə görə minnətdar olduğunu bildirib.

“Səfirliyimizin açılışını qeyd edirik, düşünürəm ki, səfirimizin fantastik zövqü var, o, gözəl mənzərəli yer seçib. Bu, mənim bu gözəl ölkəyə ilk rəsmi səfərimdir, baş nazir, səmimi qonaqpərvərliyə görə təşəkkür edirəm, Gürcüstanın suverenliyinə, ərazi bütövlüyünə və Avro-Atlantik istəklərinə göstərdiyiniz dəstəyə görə son dərəcə minnətdarıq. Xorvatiya hər zaman Gürcüstanın Avropa gələcəyinin güclü tərəfdarı olub. Baş nazir Plenkovich, dəstəyinizə və dostluğunuza görə sizə təşəkkür edirəm. Fürsətdən istifadə edərək, Gürcüstan hökuməti və gürcü xalqı adından sizə təşəkkürümü bildirmək istəyirəm. Xorvatiyanın Zaqreb şəhərində səfirlik açmaq qərarını verməyimiz sizinlə həqiqətən dostluq və tərəfdaşlıqda maraqlı olduğumuzun növbəti nümayişidir, əlaqələrimiz bizi növbəti mərhələyə aparır”-deyə Ğaribaşvili açıqlayıb.