Gürcüstanın baş naziri İrakli Ğaribaşvili “Twitter” sosial şəbəkəsində Türkiyə Respublikasının Prezidenti Rəcəb Tayyib Ərdoğanla görüşünə münasibət bildirib.

Baş nazir qeyd edir ki, Gürcüstan və Türkiyə uzunmüddətli tərəfdaşlar və mehriban qonşulardır və onlar strateji tərəfdaşlığın daha da inkişaf etdirilməsi məsuliyyətini qətiyyətlə üzərlərinə götürüblər.

“Türkiyə Respublikasının Prezidenti Rəcəb Tayyib Ərdoğanla görüşdüm. Biz gündəmdəki ikitərəfli, regional və çoxtərəfli məsələləri müzakirə etdik. Gürcüstan və Türkiyə uzunmüddətli tərəfdaşlar, mehriban qonşularıq və strateji tərəfdaşlığımızın daha da inkişaf etdirilməsi məsuliyyətini qətiyyətlə üzərimizə götürmüşük” – deyə baş nazir qeyd edir.