Gürcüstanın Baş naziri İrakli Ğaribaşvilinin sözlərinə görə, Gürcüstan Avropada layiqli yerə malikdir və Avropa İttifaqı üzvlüyünə namizəd statusuna layiqdir.

İrakli Ğaribaşvilinin “Tbilisi İpək Yolu Forumu”nda çıxışı zamanı dediyi kimi, Avropadan uzaqgörən və ədalətli qərar gözləyir.

“Avropa millətlər ailəsinə qoşulmaq Gürcüstan üçün həmişə vacib olub və hökumətin Avropa İttifaqı ilə Assosiasiya Sazişi, Dərin və Hərtərəfli Azad Ticarət Sazişi, Avropa İttifaqı ilə vizasız rejim və , təbii ki, bütün bunlar ötən ilin iyununda təsdiqlənmiş Avropa perspektivi də daxil olmaqla, geosiyasi prioriteti təsdiqləyir. Həqiqətən deyə bilərik ki, biz Avropadan uzaqgörən və ədalətli qərar gözləyirik, namizəd statusu ləyaqətlə əldə edilə bilər, bu, xalqımızın və hökumətin birgə səyi olacaq. Xüsusilə qeyd etmək istərdim ki, Gürcüstan həqiqətən də Avropada layiqli yerə malikdir və Gürcüstan Avropa İttifaqına namizəd statusuna layiqdir. Biz nikbinik ki, Gürcüstanın tərəqqisi Avropa Komissiyası tərəfindən müsbət qiymətləndiriləcək və bu, bizim namizəd olmağımıza yol açacaq”, – deyə İrakli Ğaribaşvili bildirib.