Gürcüstan dövlətinin gücü hakimiyyətlə xalqın birliyindədir və mən inanıram ki, bu birlik ölkəmizə son qələbəni gətirəcək, bir oktyabr qələbəsinin son məqsədi ölkənin birləşməsidir, – bu barədə Gürcüstanın baş naziri İrakli Ğaribaşvili sosial şəbəkədə yazır.

Hökumət başçısının sözlərinə görə, 2012-ci il oktyabrın 1-də keçirilən seçkilər yaxın tarixin ən mühüm hadisələrindən biri olub.

“Gürcüstan xalqı bu tarixi qələbənin əsas yaradıcısına, xalqın avtokratik, antimilli, zülmkar rejimini demokratik yolla dəyişdirən və ölkənin inkişafının tamamilə yeni mərhələsinə qədəm qoyan cənab Bidzina İvanişviliyə etimad göstərdi. Tam ümidsizlik və perspektivsizlik dövründə Bidzina İvanişvili bütün cəmiyyəti birləşdirdi və insanların belə birləşməsi tariximizdə ilk dəfə olaraq hakimiyyətin dinc yolla ötürülməsini mümkün qıldı. Bugünkü nöqteyi-nəzərdən bu qələbənin nəticələri göz qabağındadır və təsirlidir – siyasi komandamız müstəqillik əldə etdikdən sonra yeganə uzunmüddətli əmin-amanlığı təmin etdi, biz genişmiqyaslı iqtisadi və sosial islahatlar apardıq, demokratik təsisatların möhkəmlənməsinə töhfə verdik, gürcü xalqının tarixi istəklərinə – Avropa İttifaqına daxil olmaq yolunda mühüm addımlar atdı”, – Ğaribaşvili yazır.

İrakli Ğaribaşvilinin sözlərinə görə, “Gürcü arzusu” komandası demokratik transformasiya, təhlükəsizliyin inkişafı və ölkənin rifahı prosesini davam etdirir.

“Biz demokratik transformasiya, təhlükəsizliyin inkişafı və ölkənin rifahı prosesini davam etdiririk və daha da iddialı məqsədlərə nail olmaq üçün çalışırıq. Bütün bu müddət ərzində xalqın böyük etimadı və dəstəyi bizə güc verib. Bu gün bir daha “Gürcü Arzusu”nun hər bir üzvünə və ya dəstəkçisinə, bütün cəmiyyətimizə təşəkkür etmək istəyirəm. Gürcüstan dövlətinin gücü hakimiyyətlə xalqın birliyindədir və mən inanıram ki, bu birlik ölkəmizə son qələbəni gətirəcək. Oktyabrın 1-də qazanılan qələbənin məqsədi ölkənin birləşdirilməsidir”, – Ğaribaşvili yazır.