Gürcüstanın baş naziri İrakli Ğaribaşvili “Twitter” sosial şəbəkəsində Qafqaz Danışıqları və Cenevrə Beynəlxalq Müzakirələri Məsələləri üzrə ABŞ Dövlət Departamentinin baş müşaviri Filip Rikerlə görüşünə münasibət bildirir.

İrakli Ğaribaşvili Filip Rikerlə görüşdə regional hadisələrin dinamikası və sülhün, demokratiyanın, regional və ümumi inkişafın təşviqində ABŞ-ın həlledici rolunun müzakirə olunduğunu qeyd edib.

“Amerika Birləşmiş Ştatlarının səfiri Filip Rikerlə görüşdüm. Regional hadisələrin dinamikasını, Gürcüstanın Avropaya inteqrasiyasını, ABŞ-Gürcüstan strateji tərəfdaşlığını və sülhün, demokratiyanın, regional və ümumi inkişafın təşviqində Amerika Birləşmiş Ştatlarının həlledici rolunu müzakirə etdik” – deyə baş nazir qeyd edib.