Bu layihə bütün region və enerji təhlükəsizliyi infrastrukturunun davamlılığı üçün yeni imkanlar yaradır-bu barədə Baş nazir İrakli Ğaribaşvili “Azərbaycan Respublikası, Gürcüstan, Rumıniya və Macarıstan Hökumətləri arasında yaşıl enerjinin inkişafı və ötürülməsi sahəsində strateji tərəfdaşlıq haqqında Saziş” imzalandıqdan sonra “Twitter” sosial şəbəkəsində yazır.

Hökumət başçısı sözügedən sazişin imzalanma mərasimində iştirakın onun üçün böyük şərəf olduğunu bildirib.

“Rumıniyada, Qara dənizin dibi ilə elektrik enerjisi kabelinin çəkilməsini nəzərdə tutan anlaşma memorandumunun imzalanması mərasimində iştirak etmək mənim üçün böyük şərəfdir. Bu layihə bütün region və enerji təhlükəsizliyi infrastrukturunun davamlılığı üçün yeni imkanlar yaradır”- deyə Baş nazir yazır.