Gürcüstanın Baş naziri İrakli Ğaribaşvili BMT-nin Birləşmiş Ərəb Əmirliklərinin Dubay şəhərində keçirilən İqlim Dəyişikliyi Konfransının Dünya Liderlərinin 28-ci zirvə toplantısında iştirak edir.

Gürcüstanın hökumət administrasiyasının yaydığı məlumatda bildirilir ki, Birləşmiş Ərəb Əmirliklərinin Prezidenti Şeyx Mohamed bin Zayed Əl-Nəhyan və BMT-nin baş katibi Antonio Quterreş Gürcüstanın Baş naziri və zirvə toplantısının iştirakçısı olan dövlətlərin liderlərini konfransın keçirildiyi Dubay Ekspo-da qarşılayıblar.

Qurumdan verilmiş məlumatda İrakli Ğaribaşvilinin nümayəndə heyəti ilə birlikdə zirvə toplantısının açılışında iştirak etdiyi deyilir. Birləşmiş Ərəb Əmirliklərinin Prezidenti Şeyx Mohamed bin Zayed Əl-Nəhyan, Birləşmiş Millətlər Təşkilatının baş katibi Antonio Quterreş və Böyük Britaniya və Şimali İrlandiya Birləşmiş Krallığının Kralı Çarlz III zirvə toplantısında iştirak edən liderlər qarşısında salamlama nitqi ilə çıxış ediblər.