Daxili İşlər Nazirliyi, Müdafiə Nazirliyinin büdcəsi artırılır, Təhsil Nazirliyində mühüm islahatlar və yeniliklər olacaq-bu barədə Gürcüstanın Baş naziri İrakli Ğaribaşvili hökumətin iclasında danışıb.

Baş nazirin qeyd etdiyi kimi, bağçalarda çalışanların maaşlarının artırılması da nəzərə alınacaq.

“Daxili İşlər Nazirliyi, Müdafiə Nazirliyinin büdcəsi artırılır, Təhsil Nazirliyində mühüm islahatlar və yeniliklər olacaq. Bu barədə daha sonra sizə məlumat verəcəyəm. Təhsilin büdcəsi 470 milyon lari artırılır. Bundan başqa demək istərdim ki, ictimai məktəblərdə çalışan müəllimlərin maaşlarının artırılması məsələsi üzərində işləyirik və yeni nazirlə birlikdə oktyabrın sonunda sizə yeni konsepsiya təqdim edəcəyik. İctimai məktəblərin tikintisi-bərpasına gəlincə, 350 milyon lari ayrılıb, tikinti-bərpa prosesi yüksək templə davam edəcək. Uşaq bağçalarının tikintisi və bərpasına 225 milyon lari ayrılacaq. Bağçalarda çalışanların maaşlarının artırılması nəzərə alınacaq” – deyə baş nazir bildirib.