Gürcüstanın Baş naziri İrakli Ğaribaşvili BMT Baş Assambleyası çərçivəsində Amerika Birləşmiş Ştatlarının prezidenti Co Bayden və xanımı Cil Baydenin adından dünya liderlərinin şərəfinə təşkil olunmuş qəbulda iştirak edib.

Hökumət başçısı “Twitter” sosial şəbəkəsində Co Baydenə və xanımına səmimi qəbula və ABŞ-ın Gürcüstana qəti dəstəyinə görə təşəkkür edir.

“Amerika Birləşmiş Ştatlarının prezidenti Co Bayden və onun xanımı Cil Baydenin adından dünya liderlərinin şərəfinə təşkil olunan qəbulda iştirak etmək şərəfinə nail oldum, liderlər bir araya gələrək qlobal çağırışlarla bağlı fikir mübadiləsi aparırlar. Səmimi qəbula və ABŞ-ın Gürcüstana qəti dəstəyinə görə minnətdaram” -deyə Gürcüstanın baş naziri yazır.