Gürcüstanın baş naziri İrakli Ğaribaşvili BMT Baş Assambleyasının 76-cı sessiyasının prezidenti Abdulla Şahidlə görüşüb. Baş nazirin mətbuat xidmətindən verilən məlumatda, görüşdə BMT Baş Assambleyası çərçivəsində, Gürcüstanla qurum arasında əməkdaşlığın aktual məsələlərinin müzakirə edildiyi deyilir.

“Gürcüstanın işğal olunmuş bölgələrində yaranmış vəziyyətə və münaqişənin sülh yolu ilə həlli prosesində BMT-nin mühüm roluna diqqət yetirilib. Baş nazir Gürcüstanın suverenliyi və ərazi bütövlüyünə verdiyi güclü dəstəyə görə Baş Assambleyanın prezidentinə minnətdarlığını bildirib.

Görüşdə sülh və təhlükəsizlik, insan hüquqlarının müdafiəsi, davamlı inkişaf və gender bərabərliyi məsələlərinə diqqət yetirilib.

Hökumət Administrasiyasında keçirilən görüşdə BMT-nin rezident kordinator vəzifəsinin icraçısı, BMT-nin Qaçqınlar üzrə Ali Komissarlığının Gürcüstandakı ofisinin nümayəndəsi Kemlin Perli, BMT Baş Assambleyasının 76-cı sessiyasının prezident kabinetinin rəhbərinin müavini Fernando Anders Maran, hüquq, büdcə və islahat məsələləri üzrə komandanın rəhbərinin müavini İnqa Ğançaveli iştirak edib. Gürcüstan tərəfindən görüşdə xarici işlər naziri İlia Darçiaşvili və Hökumət Administrasiyasının rəhbəri Revaz Cavelidze iştirak ediblər”- deyə baş nazirin mətbuat xidmətinin məlumatında qeyd edilib.