Biz Gürcüstanda Şərqlə Qərbi birləşdirən yüksək sürətli magistral və dəmiryolunun modernləşdirilməsi kimi böyük infrastruktur layihələri həyata keçiririk, indi böyük Anaklia limanı layihəsinə başlayacağıq, -bu barədə baş nazir İrakli Ğaribaşvili Çin Mərkəzi Televiziyasına eksklüziv müsahibəsində bildirib.

Baş nazir qeyd edib ki, Çin şirkətləri iri infrastruktur layihələri üzərində işləyir və Gürcüstan hökuməti onların işindən razıdır.

“Biz Gürcüstanda Şərq-Qərb sürətli magistral kimi böyük infrastruktur layihələrini həyata keçiririk. İndi biz böyük bir liman layihəsinə, dərin su limanına başlayacağıq, Anakliadan bəhs edirəm.  Təbii ki, biz dəmir yolunu müasirləşdiririk, bunu Çin şirkəti edir. Çin şirkətləri də şərq-qərb yüksək sürətli avtomobil yolunun tikintisini həyata keçirir. Qeyd etməliyəm ki, onlar çox səmərəli işləyirlər. Biz onların Gürcüstandakı işindən razıyıq”, – deyə baş nazir bildirib.