Olaf Şoltsla görüşdə Gürcüstanın Avropa İttifaqına qoşulma prosesində əldə etdiyi irəliləyişdən və ölkələr arasında yaxşı tərəfdaşlığın daha da gücləndirilməsinin zəruriliyindən danışdıq, – bu barədə Gürcüstanın Baş naziri İrakli Ğaribaşvili “Twitter”də Almaniya federal kansleri Olaf Şolts ilə görüşdən sonra yazır.

Hökumət başçısı Gürcüstanın Avropa İttifaqına inteqrasiya yolunda göstərdiyi qəti dəstəyə görə Almaniya Federativ Respublikasına minnətdarlığını bildirib.

“Almaniya Federativ Respublikasının kansleri Olaf Şoltsla çox yaxşı görüşüm oldu. Söhbətdə Gürcüstanın Avropa İttifaqına daxil olma prosesində əldə etdiyi irəliləyişlərə və ölkələrimiz arasında çox yaxşı tərəfdaşlığın daha da möhkəmləndirilməsinin zəruriliyinə toxunulub. Biz Almaniya Federativ Respublikasına Gürcüstana Avropa İttifaqına inteqrasiya yolunda göstərdiyi qəti dəstəyə görə təşəkkür edirik. İnanırıq ki, bu əlaqələr Gürcüstanın artıq əldə etdiyi mühüm irəliləyişlər sayəsində möhkəmlənəcək” – baş nazir qeyd edib.

Bu gün Berlində İrakli Ğaribaşvili ilə Olaf Şoltsun görüşü keçirilib.