Gürcüstanın Baş naziri İrakli Ğaribaşvili BMT-nin baş katibi Antonio Quterreşlə görüşüb.

Baş nazirin mətbuat xidməti tərəfindən yayılmış məlumatda qeyd olunduğu üzrə, BMT Baş Assambleyası çərçivəsində keçirilən görüşdə tərəflər BMT-nin davamlı inkişaf istiqamətində atdığı mühüm addımları müzakirə ediblər.

“Hökumət başçısı qeyd edib ki, Gürcüstan məqsədi BMT-ni mövcud və gözlənilən çağırışlara daha yaxşı uyğunlaşdırmaq olan Birləşmiş Millətlər Təşkilatının Baş katibinin təklif etdiyi traktatları dəstəkləyir.

İrakli Ğaribaşvili bildirib ki, Gürcüstan Antonio Quterreşin beynəlxalq hüququn fundamental prinsiplərinə və BMT Nizamnaməsinə əsaslanan “sülhün yeni gündəliyi”nin hazırlanmasında göstərdiyi səyləri yüksək qiymətləndirir” – deyə baş nazirin mətbuat xidməti tərəfindən yayılmış məlumatda deyilir.

Qurumun məlumatında qeyd olunduğu üzrə, müzakirə olunan məsələlər arasında dünyada təhlükəsizlik mühiti və çağırışlar, Gürcüstanın işğal olunmuş ərazilərində təhlükəsizlik və humanitar nöqteyi-nəzərdən ağır vəziyyət, eləcə də BMT-nin münaqişənin sülh yolu ilə nizamlanma prosesinə cəlb edilməsi də var.

“İrakli Ğaribaşvilinin qeyd etdiyi kimi, Ukraynadakı cari müharibə nəticəsində beynəlxalq təhlükəsizlik arxitekturası dəyişib, iqlim dəyişikliyinin təsiri və cari risklər də mühüm çağırışdır. Mövcud çətinliklərin öhdəsindən gəlmək üçün vahid səylə çalışmaq lazımdır. Gürcüstanın işğal olunmuş bölgələrində mövcud vəziyyətdən danışan baş nazir qeyd edib ki, Birləşmiş Millətlər Təşkilatı çərçivəsində qəbul edilən məruzələr və qətnamələr beynəlxalq gündəmdə işğal olunmuş ərazilərdə ağır humanitar vəziyyətin saxlanılması üçün mühüm mexanizmlərdir.

Görüşdə İrakli Ğaribaşvili Gürcüstan hökumətinin münaqişənin sülh yolu ilə həlli siyasətinə sadiqliyini təsdiqləyib. O, BMT-nin baş katibinə Gürcüstan hökumətinin bu istiqamətdə göstərdiyi səylər barədə məlumat verib və ona verdiyi dəstəyə və münaqişələrin sülh yolu ilə həlli prosesində iştirakına görə təşəkkür edib.

Baş nazir Birləşmiş Millətlər Təşkilatının baş katibinə Gürcüstanın suverenliyi və ərazi bütövlüyünə göstərdiyi sarsılmaz dəstəyə görə təşəkkür edib” – deyə baş nazirin mətbuat xidməti bildirib.