Gürcüstanın Baş naziri İrakli Ğaribaşvili axondroplaziya diaqnozu qoyulmuş uşaqların valideynlərinin etirazı ilə əlaqədar dövlətin onların yanında olduğunu və lazım olan hər şeyi edəcəyini bildirib.

Eyni zamanda, İrakli Ğaribaşvili saxtakarlığı və riyakarlığı ilə seçilən məsuliyyətsiz siyasətçilərin burada da siyasi kampaniya aparmağa çalışdıqlarını deyir və valideynlərə müraciət edərək, bilərəkdən və ya bilməyərəkdən siyasi kampaniyada iştirak etməməyə çağırır.

“İlk növbədə, axondroplaziyadan əziyyət çəkən uşaqların valideynlərinə tam dəstəyimizi bildirmək istərdim. Onlara demək istəyirəm ki, biz hökumət, dövlət onların yanındayıq və lazım olan hər şeyi edəcəyik, lakin başqalarının onlardan istifadə etmələrinə icazə verməmələrini və bilərəkdən və ya bilməyərəkdən siyasi kampaniyada iştirak etməmələrini xahiş etmək istəyirəm. Biz çox yaxşı başa düşürük və hamıya xatırlatmaq istəyirəm ki, bu kampaniyada iştirak edən heç kim, heç bir siyasətçi bu uşaqların taleyini nə hakimiyyətdə olanda, nə də müxalifətdə olarkən yada salmayıb. Təbii ki, bunu çox asanlıqla izah etmək olar ki, onlar hər bir bədbəxtliyi, hər bir sınağı və ya darda olan insanın taleyini öz siyasi maraqlarına çatmaq üçün istifadə etməyə çalışırlar. Bu nadir genetik xəstəlikdən əziyyət çəkən insanların iştirakı ilə müəyyən siyasi dividendlərə, məqsədlərə çatmağa çalışdıqlarını görmək mənəviyyata zidd hərəkətdir, ləyaqətsizlikdir, insanın edə biləcəyi ən pozğun əməldir”-deyə İ.Ğaribaşvili açıqlayıb.