Gürcüstanın Baş naziri İrakli Ğaribaşvili Acarada Özbəkistan Respublikasının Baş naziri Abdulla Aripovu qəbul edib.

Baş nazirin mətbuat xidmətinin məlumatına əsasən, Özbəkistan Respublikasının Baş nazirinin şərəfinə işçi nahar verilib, naharda Gürcüstan və Özbəkistan Respublikasının baş nazirləri iki ölkə arasında mövcud əlaqələri və əməkdaşlığın gələcək perspektivlərini müzakirə ediblər.

Bu gün həm də iqtisadiyyat və davamlı inkişaf naziri Levan Davitaşvili Abdulla Aripovu və Gürcüstanda səfərdə olan Özbəkistan Respublikasının nümayəndə heyətini Gürcüstanın limanlar, dəniz infrastrukturu və bu sektorda cari və planlaşdırılan layihələrlə tanış edib.

Nümayəndə heyətini Levan Davitaşvili ilə birlikdə Batumi və Potidə Acara hökumətinin başçısı Tornike Rijvadze, iqtisadiyyat və davamlı inkişaf nazirinin müavini Quram Quramişvili və Dəniz Nəqliyyatı Agentliyinin direktoru Aleksi Axvlediani qəbul ediblər. Özbəkistanlı qonaqlarla birlikdə sahil mühafizə gəmisi ilə Poti dəniz limanını və akvatoriyasını gəzib, həmçinin Batumi limanının infrastrukturu və fəaliyyəti və Anaklia dərin su limanı layihəsi ilə tanış olublar.

Özbəkistan Respublikasının Baş nazirinin Gürcüstana səfəri bu gün başa çatıb. Abdulla Aripovu Batumi Beynəlxalq Hava Limanından Gürcüstanın Baş naziri İrakli Ğaribaşvili yola salıb.

Özbəkistan Respublikasının Baş naziri hökumət nümayəndə heyəti ilə birlikdə iyulun 17-də Gürcüstana səfər edib. Səfər çərçivəsində Gürcüstan və Özbəkistan Respublikası baş nazirlərinin təkbətək və geniş tərkibdə görüşləri keçirilib, daha sonra da Gürcüstan və Özbəkistan Respublikasının baş nazirləri Gürcüstan və Özbəkistan Respublikası arasında ikitərəfli əməkdaşlığın inkişafının birgə praktiki tədbirlərinin 2023-2024-cü illər üzrə fəaliyyət planına dair saziş imzalayıblar.

Məlumatı Gürcüstanın Baş nazirinin mətbuat xidməti yayır.