Gürcüstanın baş naziri İrakli Ğaribaşvili reqbidə qazanılan uğurlara görə gürcü reqbiçilərinə və cəmiyyətə təşəkkür edib.

Baş nazirin hökumətin bugünkü iclasında da qeyd etdiyi kimi, Gürcüstan öz reqbiçiləri ilə fəxr edir.

“İlk növbədə, ad-sanlı reqbiçilərimizin bizə bəxş etdiyi böyük sevinci bölüşürəm, bu, həqiqətən də reqbiçilərimiz üçün triumfal qalibiyyət idi. Bu cür qəhrəmanlığa, belə bir qələbəyə görə sizə bir daha təşəkkür etmək istəyirəm, biz sizinlə fəxr edirik. Son vaxtlar əvvəl futbolda, sonra basketbolda, indi də reqbidə çoxlu qələbələrin şahidi olduq. Bu, həqiqətən də böyük qələbədir və mən onlara təşəkkür etmək istəyirəm”- deyə Ğariyabşvili bildirib.

Gürcüstanın reqbi komandası tarixdə ilk dəfə İtaliya millisini Batuminin Arenasında qəbul edib və prinsipial rəqib üzərində 28:19 hesabı ilə ən vacib qələbəsini qazanıb.