ABŞ Nümayəndələr Palatasında Gürcüstana dəstək aktının qəbulu ilə iki ölkə arasında strateji partnyorıuq qüvvəsi yenə təsdiq olunur və artır, – bu barədə Gürcüstanın baş naziri İrakli Ğaribaşvili “tvitter” sosial şəbəkəsindəki səhifəsində yazır.

Hökumət başçısı ABŞ Konqresinin Nümayəndələr Palatasına və Konqresmenlərinə Gürcüstanın suverenliyinə, ərazi bütövlüyünə, demokratiyasına və Şimali Atlantika Alyansına inteqrasiyasına göstərdikləri dəstəyə görə təşəkkürünü bildirir.

“Mən ABŞ Konqresinin Nümayəndələr Palatasına, onun rəhbərliyinə və Dostluq Qrupunun həmsədrləri Adam Kinsincer və Cerri Konnoliyə Gürcüstanın suverenliyi, ərazi bütövlüyü, demokratiyası və Şimali Atlantika Alyansına inteqrasiyasına göstərdikləri dəstəyə görə təşəkkürümü bildirirəm”, – Ğaribaşvili yazır.

ABŞ Konqresinin Nümayəndələr Palatası Gürcüstana dəstək aktını təsdiq etdi. Qanun layihəsini Nümayəndələr Palatasına Gürcüstanın Dostları Qrupunun həmsədrləri konqresmenlər Cerri Konnoli (demokrat) və Adam Kinzinger (respublikaçı) təqdim etdilər.