NATO – lu tərəfdaşlarımızdan Gürcüstana dəstək ruhu hiss olunur, dəstəyin əhəmiyyəti artır, bütün tərəfdaşlarımız Gürcüstanın yerinin NATO-da olduğunu deyirlər və Gürcüstan Avro-Atlantik məkanın təhlükəsizliyi üçün dəyərli tərəfdaş kimi onların gündəliyində çox mühüm yer tutur, – bu barədə parlamentin Müdafiə Komitəsinin sədri İrakli Beraya bildirib.

Berayanın sözlərinə görə, Kopenhagenin 68-ci sessiyası çərçivəsində keçirilən görüşdə Gürcüstan nümayəndə heyəti bütövlükdə Gürcüstanın regional təhlükəsizlik çağırışları, işğal olunmuş rayonlardakı vəziyyət və işğalçı qüvvələr tərəfindən artan təhdidlərə diqqət yetirib.

“Biz tərəfdaşlarımızla alyansın regionda iştirakının artırılmasının, Qara dəniz regionunun təhlükəsizliyinə xüsusi diqqət yetirilməsinin vacibliyi və ehtiyacı barədə danışdıq və ilk növbədə söhbətimizin əsas mövzusu bu məsələnin həllinin vacibliyi və əhəmiyyətidir. Gürcüstanın alyansa qoşulması və bununla bağlı siyasi qərarın sürətləndirilməsi lazımdır. Ölkəmiz alyansa qoşulma meyarlarına tam cavab verir, onun Avro-Atlantik məkanın təhlükəsizliyinə töhfə vermək arzusu ilə yanaşı, imkanı və təcrübəsi də var”, – deyə Beraya bildirib.