İki rayonu birləşdirən Xulo-Zərzmi yolunun yenidən qurulması fəal şəkildə davam edir. Ümumilikdə yolun 31 km-lik hissəsinə artıq asfalt-beton örtüyü döşənib və bərpa olunmuş yol ilə Qoderdze aşırımından Zarzmiyə getmək mümkündür. – Bu barədə Gürcüstanın Regional İnkişaf və İnfrastruktur Nazirliyi məlumat yayıb.

Qurumdan verilən məlumata görə, yol hətta Beşum kurort döngəsinə qədər bərpa olunub və yolun qalan hissələrində də işlər aktiv şəkildə davam etdirilir.

“Xulo-Zarzmi yolu daxili əhəmiyyətli Batumi (Angisa) – Axaltsixe avtomobil yolunun tərkib hissəsidir. 47 kilometr yolun bərpası – yenidən qurulması işləri aparılır. Reabilitasiya bölməsi Xulo qəsəbəsindən başlayaraq Qoderdze aşırımından keçərək Adiqeninin Zarzmi kəndinə çatır.

Layihə çərçivəsində ikizolaqlı yola asfalt-beton örtüyünün döşənməsi, relyef və çətin geoloji şəraitə görə inkişaf etdirilən sürüşmə sahələrində intensiv profilaktik işlər aparılır. Xulo-Zarzmi yolu çətin geoloji relyefdən keçir və Beşumi dağ-xizək kurortunu Batumi və Tbilisi ilə birləşdirir. Onun reabilitasiya-yenidən qurulması Zemo Acara və Samtsxe-Cavaxeti əhalisinin sosial-iqtisadi vəziyyətinin yaxşılaşmasına, həmçinin turizmin inkişafına töhfə verəcək.

Xulo-Zarzmi avtomobil yolunun bərpa-yenidən qurulması yol hərəkəti təhlükəsizliyini əhəmiyyətli dərəcədə yaxşılaşdıracaq və Batumidən Axaltsixəyə gediş vaxtını 1,5 saat azaldacaq”. – Nazirliyin məlumatında qeyd olunur.