Qiymətləndirmə və İmtahanlar Milli Mərkəzi tərəfindən müəyyən edilmiş imtahan dövründə, iyulun 3-dən avqustun 6-dək bələdiyyə avtobuslarının əlavə marşrutları təyin olunacaq.

Tbilisinin Meriyasının məlumatına əsasən, avtobuslar müxtəlif ictimai məktəblərdə imtahan verməli və ya abituriyentlərə xidmət etməli olan şəxsləri aşağıdakı imtahan mərkəzlərinə aparacaqlar: Tbilisinin N39, N103, N133 və 147 saylı ictimai məktəbləri. Həmçinin, iki imtahan mərkəzinin yerləşəcəyi N175 ictimai məktəb; N177 ictimai məktəb; N191 və N207 ictimai məktəb.

Meriyanın izahına əsasən, yuxarıda qeyd olunanlardan irəli gələrək, ötən il olduğu kimi, bu il də standart tariflə, saat 06:00-dan 20:00-dək vətəndaşlara xidmət göstərəcək müvəqqəti avtobus marşrutları təyin olunacaq.

175 saylı ictimai məktəb istiqamətində avtobuslar Aleksandre Qobronidze küçəsindən (“Axmeteli Teatrı” metrostansiyasına yaxın ərazi) hərəkət edəcəklər;

39, 177 və 191 saylı ictimai məktəbləri istiqamətində avtobuslar sərnişinlərə yenə də Qobronidze küçəsindən (“Axmeteli Teatrı” metrostansiyasına yaxın ərazi) xidmət göstərəcəklər;

N103 ictimai məktəb istiqamətində avtobuslar “Samqori” metrostansiyasının yuxarı çıxışına yaxın ərazidən (Kaxeti şossesi) hərəkət edəcəklər;

N 147 ictimai məktəb istiqamətində avtobuslar “Didube” metrostansiyasına yaxın ərazidən (Anzor Abulaşvili küçəsi, keçmiş Nəqliyyat küçəsi) hərəkət edəcəklər;

N133 və N 207 ictimai məktəblərə gəlincə, imtahan mərkəzləri “Ğrmağele” metrostansiyasının yaxınlığında yerləşir. Müvafiq olaraq, sərnişinlər təyinat yerlərinə çatmaq üçün artıq mövcud marşrutlardan istifadə edəcəklər.