BMT Baş Assambleyasının 77-ci sessiyası çərçivəsində Gürcüstanın Xarici İşlər naziri, İliya Darçiaşvili Səudiyyə Ərəbistanının Xarici İşlər naziri, şahzadə Faysal bin Fərhan Əl Səud ilə görüş keçirdi.

Gürcüstan Xarici İşlər Nazirliyinin məlumatına görə, Gürcüstanın Xarici İşlər naziri Səudiyyəli həmkarını ölkənin Milli Günü münasibətilə təbrik etdi, Səudiyyə Ərəbistanına və xalqına sülh və firavanlıq arzuladı.

Görüş çərçivəsində tərəflər iki ölkə arasında gündəlikdə duran məsələləri və gələcək əməkdaşlıq perspektivlərini müzakirə etdilər. “Son illər iki ölkə arasında siyasi, ticarət-iqtisadi, turizm və digər sahələrdə əməkdaşlığın intensivləşdiyini məmnunluqla qeyd edildi. Yaxın gələcəkdə planlaşdırılan yüksək səviyyəli səfərlərin əhəmiyyəti vurğulandı”, – XİN-də bəyan edirlər.