Bir tərəfdən Avropa İttifaqı ilə çox dinamik ikitərəfli əlaqələrimiz olduğunu dəfələrlə demişik, digər tərəfdən isə 12 tövsiyənin icrası istiqamətində ölkəmizin gördüyü konkret işlər barədə danışmaq üçün biz konkret olaraq Aİ-yə üzv dövlətlərin paytaxtlarında çalışırıq-bu barədə Gürcüstanın xarici işlər naziri İlia Darçiaşvili açıqlayıb.

Darçiaşvili tövsiyələrin yerinə yetirildiyini və bu və ya digər məsələ ilə bağlı gözləntiləri yekun olaraq uzlaşdırmaq üçün Brüssellə müzakirə olunan məsələlər olduğunu deyib.

“Bu, daimi prosesdir. Ölkəmiz ambisiyalı islahat gündəliyimizi həyata keçirmək üçün uzunmüddətli öhdəliklər götürüb və əminik ki, Gürcüstan və hökumətimizin göstərdiyi səylər hər kəs, o cümlədən Xorvatiya Respublikası tərəfindən layiqincə qəbul ediləcək” – Darçiaşvili bildirib.

Onun sözlərinə əsasən, Gürcüstanın Baş nazirinin Xorvatiyanın Baş naziri ilə birgə bəyanatları zamanı həqiqətən də konkret mesajları olub.

“O, səylərimizi müsbət qiymətləndirdi və əminəm ki, bizim göstərdiyimiz və etməyə davam etdiyimiz bu böyük səy gələcəkdə bizim Avropaya inteqrasiyamıza müsbət təsir göstərəcək” -deyə İlia Darçiaşvili açıqlayıb.

Xorvatiyanın Baş naziri Andrey Plenkovich Gürcüstanın Baş naziri İrakli Ğaribaşvili ilə birgə keçirdiyi brifinqdə qeyd edib: “Mən şadam ki, Gürcüstan Avropa Komissiyasının öhdəliklərini yerinə yetirir, biz Gürcüstanın Avropa İttifaqı və NATO-ya üzv olmaq istəklərini dəstəkləyirik”.