Aİ-nin tövsiyələrinin yerinə yetirilməsi üzrə fəaliyyət planının hissələrindən biri, xüsusilə 2024-cü ildə azad, ədalətli və rəqabətli seçki prosesinin təmin edilməsi və ATƏT/DTİHB-nin tövsiyələrinin tam şəkildə nəzərə alınması, adekvat seçici təmsilçiliyi də daxil olmaqla, seçki islahatlarını seçki günündən xeyli əvvəl başa çatdırmaqdır-bu barədə Gürcüstanın xarici işlər naziri İlia Darçiaşvili açıqlayıb.

Darçiaşvili bildirib ki, Gürcüstan hökuməti DTİHB ilə çox sıx əməkdaşlıq etməyə hazır olduğunu ifadə edib, çünki DTİHB seçkiləri müşahidə edən əsas təşkilatdır.

“Biz onlarla ənənəvi, çox ardıcıl şəkildə işləməyə davam edəcəyik. Oktyabrda parlament seçkiləri keçirməyi planlaşdırdığımız üçün ilin əvvəlində DTİHB-yə rəsmi bildiriş göndərilməsini təmin edəcəyik və Gürcüstanda həm uzunmüddətli, həm də qısamüddətli müşahidə missiyalarını qəbul etməyə hazır olduğumuzu ifadə edəcəyik. Dəfələrlə demişik ki, Gürcüstan hökuməti ölkədə mümkün qədər şəffaf və rəqabətli seçkilərin keçirilməsində maraqlıdır, bu, bizim əsas marağımızdır. Müvafiq olaraq, bu mühüm prosesdə bizimlə iştirak edəcək hər kəslə əməkdaşlıq edəcəyik. Seçki məcəlləsində ediləcək dəyişikliklərə, partiyaların və seçkilərin maliyyələşdirilməsi məsələlərinə gəlincə, Gürcüstan parlamenti cari dövr ərzində müvafiq dəyişikliklərin həyata keçirilməsini təmin edib” – İlia Darçiaşvili açıqlayıb.