Gürcüstanın xarici işlər naziri İlia Darçiaşvili hakimiyyətin Gürcüstan vətəndaşlarının Sudandan çıxarılması üçün səylərini əsirgəmədiyini və beynəlxalq təşkilatlar və tərəfdaşlarla birgə işlədiyini bildirib.

Darçiaşvili yaranmış çətin vəziyyətdən irəli gələrək Gürcüstan vətəndaşlarının təxliyyəsi üçün çoxlu səy tələb olunduğunu bildirib.

“Gürcüstan hökuməti, hakimiyyət olduqca mürəkkəb dövrdə Sudanda olan vətəndaşlarımızın sağ-salamat ölkədən çıxarılması üçün səylərini əsirgəmədi. Bu vaxt apardı. Biz çox səy göstərməli olduq, tərəfdaşlarla, beynəlxalq təşkilatlarla işlədik. Vəziyyətin çox xaotik olduğunu nəzərə alarsaq, konkret hansı şəxs və ya təşkilatla danışacağımızı müəyyən etmək çox çətin idi, bu səbəbdən biz cəbhəni maksimal şəkildə genişlətmişdik və vətəndaşlarımızı ölkədən çıxararaq qonşu ölkəyə təhlükəsiz yerə yerləşdirməyə nail olduq. Onların tezliklə evlərinə sağ-salamat qayıtmalarını gözləyirik. Bildiyimə görə, digər ölkələrin, o cümlədən Ukraynanın vətəndaşları nəql prosesində olublar”- deyə Darçiaşvili açıqlayıb.