Macarıstanın və şəxsən nazirin aktiv dəstəyini yüksək qiymətləndiririk, bu həlledici dövrdə bizim üçün xüsusilə vacibdir. Gürcüstanın Avropaya can atması heç vaxt indiki qədər güclü olmayıb – bu barədə Gürcüstanın xarici işlər naziri İlia Darçiaşvili macar həmkarı Peter Siiarto ilə birgə mətbuat konfransında danışıb.

Darçiaşvili Gürcüstanın öhdəliklərini yerinə yetirmək və Avropa İttifaqına üzv olmaq üçün qəti iradə nümayiş etdirdiyini bildirib. Bundan əlavə, o qeyd edib ki, Macarıstanın gələcəkdə də bu yolda Gürcüstanın yanında olacağına əminik.

“Avropa İttifaqına daxil olmağın uzunmüddətli öhdəliklər və məsuliyyətlərlə əlaqəli olduğunu tam dərk edirik. Bu, uzun, lakin nəticəyə yönəlmiş bir prosesdir. Gürcüstan öz öhdəliklərini yerinə yetirmək və Avropa İttifaqına üzv olmaq üçün qəti iradə nümayiş etdirdi. Gürcüstan üzvlüyün növbəti mərhələlərinə keçmək üçün namizəd statusuna layiqdir. Əminik ki, Aİ-yə üzv ölkələrin liderləri bu il daha bir tarixi qərar qəbul edəcək və Gürcüstana namizəd statusu verəcəklər. Biz həmçinin ümid edirik ki, Ukrayna və Moldova ilə yanaşı, Gürcüstanın Avropa İttifaqına daxil olması ilə bağlı danışıqların başlanmasına dair qərar qəbul ediləcək. Bu qərarlar ölkəmizin Avropa İttifaqı ilə möhkəm bağlılığını müəyyən edir. Əminik ki, Macarıstan gələcəkdə də bu yolda Gürcüstanı dəstəkləyəcək”-deyə İlia Darçiaşvili bildirib.

Macarıstana işgüzar səfəri çərçivəsində Gürcüstanın xarici işlər naziri İlia Darçiaşvili macar həmkarı Peter Siiarto ilə görüş keçirib. O, həmçinin Macarıstanın xaricdəki diplomatik missiya rəhbərlərinin illik toplantısında fəxri qonaq qismində iştirak edib və bu görüş zamanı macar diplomatları qarşısında çıxış edib.