Gürcüstan münaqişənin sülh yolu ilə həlli yolunda qəti mövqe sərgiləyir və bu prosesdə beynəlxalq ictimaiyyətin sarsılmaz dəstəyinə görə minnətdardır-bu barədə Gürcüstanın xarici işlər naziri İlia Darçiaşvili norveçli həmkarı Aniken Hudfeldtlə görüşdən sonra keçirilən mətbuat konfransında bildirib.

Darçiaşvili Norveçin Xarici İşlər Nazirliyinin rəhbəri ilə Gürcüstanın işğal olunmuş ərazilərindəki ağır humanitar vəziyyətlə bağlı danışdıqlarını bildirib.

“Norveçin xarici işlər naziri ilə Gürcüstanın işğal olunmuş əraziləri və oradakı ağır humanitar vəziyyət barədə danışmaq imkanımız oldu. Həmçinin, insan hüquqlarından danışmaq imkanımız oldu. Bəhsi keçən kəskin təhlükəsizlik çağırışları fonunda Rusiya Federasiyası ilə onun beynəlxalq öhdəliklərinin yerinə yetirilməsi üçün yeganə format olan Cenevrə Beynəlxalq Danışıqlarına xüsusi önəm verildiyi bildirildi.

Onu da vurğulamaq istərdim ki, Gürcüstan münaqişənin sülh yolu ilə həlli yolunda qəti mövqe sərgiləyir və bu prosesdə beynəlxalq ictimaiyyətin sarsılmaz dəstəyinə görə minnətdardır.

Dünyadakı mövcud çağırışlar fonunda tərəfdaşlarımızın fəal iştirakı, bu istiqamətdə vahid və qəti mövqenin olması həlledici əhəmiyyət kəsb edir”- deyə İlia Darçiaşvili bildirib.