Danimarka Krallığının xarici işlər nazirinin Gürcüstana səfəri bizim maraqlarımızı güclü şəkildə dəstəkləyəcək və qoruyacaq Danimarka Krallığı timsalında dost dövlətimizin olacağına dair çox güclü siqnaldır – bu barədə Gürcüstanın xarici işlər naziri İlia Darçiaşvili açıqlayıb.

İlia Darçiaşvilinin qeyd etdiyi kimi, Danimarka Krallığının xarici işlər naziri ilə çox maraqlı söhbət baş tutub.

“Cənab nazirin Gürcüstana nümayəndə heyəti ilə səfər etməsinin özü Danimarka Krallığının dəstəyinə malik olduğumuzdan xəbər verir. Çox maraqlı söhbətimiz oldu. Ölkənin yerinə yetirməli olduğu tapşırıqlar barədə danışdıq, artıq gördüyümüz işləri və gələcəkdə atılacaq konkret addımları nazirlə bölüşmək imkanımız oldu. Təbii ki, biz işimizi, ev tapşırıqlarımızı yaxşı bilirik və tərəfdaşlarımızla birgə konkret addımlar atmaq üçün hər şeyi edirik və ölkə status alsın. Fürsətdən istifadə edərək, cənab nazirə bir daha təşəkkür etmək istərdim, bu, olduqca güclü siqnaldır, onun Gürcüstana səfəri bizim maraqlarımızı güclü şəkildə dəstəkləyəcək və qoruyacaq Danimarka Krallığı timsalında dost dövlətimizin olacağına dair çox güclü siqnaldır”- deyə Darçiaşvili açıqlayıb.