İlia Darçiaşvili – Co Baydenin adından keçirilən NATO sammitinə həsr olunmuş qəbulda iştirak etmək böyük şərəfdir, mən şadam ki, Gürcüstanın bayrağı güclü tərəfdaşlar alyansında təmsil olunur

Gürcüstanın xarici işlər naziri İlia Darçiaşvili ABŞ prezidentinin adından Vaşinqtonda keçirilən NATO-nun 75-ci sammitinə həsr olunmuş qəbulda iştirak edib.

Təntənəli qəbulda NATO-ya üzv olan ölkələrin rəhbərləri və təşkilatın tərəfdaş ölkələrinin xarici işlər nazirləri iştirak ediblər.

XİN-nin rəhbəri qeyd olunan tədbirə sosial şəbəkədə münasibət bildirib.

“Prezident Baydenin adından keçirilən NATO sammitinin 75-ci ildönümünə həsr olunmuş qəbulda iştirak etmək mənim üçün böyük şərəfdir. Mən şadam ki, Gürcüstanın bayrağı güclü tərəfdaşlar alyansında təmsil olunur”, – Darçiaşvili “X” sosial şəbəkəsində şəxsi səhifəsində yazır.