Gürcüstanın xarici işlər naziri İlia Darçiaşvili Nyu-Yorkda işgüzar səfərdədir və Ukraynada müharibənin ildönümü ilə əlaqədar fevralın 22-23-də keçiriləcək BMT Baş Assambleyasının on birinci xüsusi sessiyasının XVII plenar iclasında iştirak edəcək.

İlia Darçiaşvili sessiya iştirakçılarına müraciət edəcək. Sessiya çərçivəsində Birləşmiş Millətlər Təşkilatı çərçivəsində təşəbbüsü irəli sürülən qətnamə layihəsinin – “Ukraynada hərtərəfli, ədalətli və uzunmüddətli sülhün əsasını təşkil edən Birləşmiş Millətlər Təşkilatı Nizamnaməsinin prinsipləri”nin müzakirəsi planlaşdırılır.

İlia Darçiaşvili Nyu-Yorka səfəri çərçivəsində BMT Baş Assambleyasının 77-ci sessiyasının prezidenti Çaba Koroşis və digər nazirlərlə görüşlər keçirəcək.

Məlumatı Gürcüstan Xarici İşlər Nazirliyi yayır.