İslandiyada dördüncü liderlər zirvə toplantısı keçirilir. Baş nazir, təbii ki, sözügedən tədbir çərçivəsində çıxış edəcək- Gürcüstanın xarici işlər naziri İlia Darçiaşvili hökumət başçısının Avropa Şurasının dövlət və hökumət başçılarının IV zirvə toplantısında iştirak edəcəyi İslandiyaya səfəri barədə danışarkən bu sözləri söyləyib.

O, Gürcüstanın Baş nazirinin ikitərəfli görüşlər keçirəcəyini, görüşlərdə əsas diqqətin ikitərəfli münasibətlərə, eləcə də Gürcüstanın Avropaya inteqrasiyası, Gürcüstana statusun verilməsi ilə bağlı mühüm məsələlərə yetiriləcəyini qeyd edib.

“Eyni zamanda, baş nazirin həmkarları ilə ikitərəfli görüşlər keçirəcəyi də mühümdür, görüşlərdə təbii ki, bir tərəfdən ikitərəfli münasibətlərə dair məsələlərə, eləcə də Gürcüstanın Avropaya inteqrasiyası, Gürcüstana statusun verilməsi kimi vacib məsələlərə əsas diqqət yetiriləcək. Müvafiq olaraq, səfər xüsusi sıx qrafiki və əhəmiyyəti ilə seçilir və əminəm ki, Gürcüstanın Baş naziri zirvə toplantısında iştirak etməklə bir tərəfdən Gürcüstanın əsas prioritetlərini səsləndirəcək, digər tərəfdən isə Gürcüstanın müvafiq şəkildə mövqeləndirilməsi, ölkənin tezliklə status alması və tərəfdaşlarımızın 12 prioritetin yerinə yetirilməsi istiqamətində görülən işlər barədə daha çox məlumat əldə etmələri üçün ikitərəfli görüşlər xüsusi məna kəsb edəcək”-deyə İlia Darçiaşvili açıqlayıb.