Gürcüstanın xarici işlər naziri İliya Darçiaşvili Avropa Şurasının 132-ci Nazirlər Şurasının iclası çərçivəsində Avropa Şurasının baş katibi Mariya Pejinoviç-Buriç ilə görüşüb.

Gürcüstanın xarici işlər naziri İtaliya sədrliyi ilə birlikdə nazirlər görüşünə ev sahibliyi etdiyinə görə Avropa Şurasının baş katibinə təşəkkür edib.

Görüşdə Gürcüstanın bütün mühüm məsələlər üzrə Avropa Şurası çərçivəsində uğurlu əməkdaşlığı müzakirə olunub.

Tərəflər Gürcüstanın işğal olunmuş əraziləri ilə bağlı məsələnin Avropa Şurasının gündəliyində prioritet olmasını alqışlayıblar.

İliya Darçiaşvili Avropa Şurası Baş katibinin illik konsolidasiya edilmiş hesabatını – “Gürcüstanda münaqişə” adlı hesabatını hazırladığına görə baş katibə təşəkkür edib. Mariya Pejinoviç-Buriç Gürcüstan məsələsini praktikada və təşkilatın gündəliyində yüksək səviyyədə saxlamağa hazır olduğunu bir daha təsdiqləyib.

Avropa Şurasının baş katibi Gürcüstanın islahatlar gündəmini, o cümlədən ədliyyə sahəsindəki islahatları alqışlayıb. Bu xüsusda Gürcüstan üçün Avropa Şurasının Fəaliyyət Planının (2020-2023) səmərəli icrası vurğulanıb.

Məlumatı Gürcüstan Xarici İşlər Nazirliyi yayıb.