2024-cü ilin fevralın 17-də Münhen konfransı çərçivəsində İlia Darçiaşvili ATƏT-in fəaliyyətdə olan sədri, Maltanın xarici işlər, Avropa və ticarət naziri İan Borqla görüş keçirib. Məlumatı Gürcüstanın Xarici İşlər Nazirliyi yayır.

Xarici İşlər Nazirliyinin məlumatına əsasən, iki ölkənin xarici işlər nazirləri ATƏT-ə sədrlik çərçivəsində Maltanın prioritetlərini və mövcud çağırışları, həmçinin Gürcüstanın işğal olunmuş bölgələrində yaranmış vəziyyəti müzakirə ediblər.

“Nazir Gürcüstan məsələsini ATƏT-in yüksək səviyyəli gündəliyində saxladığına görə həmkarına təşəkkür edib.

Söhbət zamanı Gürcüstanın Avropaya inteqrasiya gündəliyinə də toxunulub. Maltanın ölkənin xarici siyasət istəklərini qətiyyətlə dəstəklədiyi vurğulanıb. Yaxın vaxtlarda ATƏT-in fəaliyyətdə olan sədrinin Gürcüstana səfəri planlaşdırıldı” – məlumatda qeyd olunur.