Müstəqilliyi bərpa etdikdən sonra Almaniya ölkəmizin inkişafında həmişə xüsusi rolu olmuşdur, -bu barədə Gürcüstanın xarici işlər naziri İlia Darçiaşvili Berlində Gürcüstanın Müstəqillik Gününə həsr olunmuş təntənəli qəbulda jurnalistlərə müsahibəsində bildirib.

Onun söylədiyinə görə, Almaniya Gürcüstanın Avropa ailəsinin tamhüquqlu üzvü olması üçün xüsusi səy göstərib.

“Almaniya Gürcüstanın inkişafında həmişə çox fəal iştirak edib. Müstəqilliyi bərpa etdikdən sonra Almaniya ölkəmizin inkişafında həmişə xüsusi rolu olmuşdur, ölkəmizin inkişafı işində, ərazi bütövlüyümüzün və suverenliyimizin hər zaman güclü tərəfdarı olub. İndi Almaniya son illərdə Gürcüstanın Avropa ailəsinin tamhüquqlu üzvü olması üçün xüsusi səy göstərib.Biz çox şadıq ki, bu gün Berlində Gürcüstan səfirliyinin təşkilatçılığı və Baş nazirin iştirakı ilə alman dostlarımızı, gürcü diasporunu Gürcüstanın Müstəqillik Gününü qeyd edən tədbirdə ev sahibliyi etmək imkanımız var. Almaniyanın birləşmə rəmzi olması simvolikdir və biz Gürcüstanın tezliklə birləşməsi arzusunu məhz Berlindən ifadə etdik. Bizim sülh siyasətimizin alternativi yoxdur və biz ölkəmizi tezliklə Avropa ailəsinin vahid, bütöv üzvünə çevirmək üçün əlimizdən gələni edəcəyik. Almaniya ölkəmizdə olan çağırışları çox dərindən bilir və Almaniyanın bizi avropa inteqrasiyasına doğru çəkən əsas qüvvə olması faktı bizi sevindirir”, – İlia Darçiaşvili bildirib.