Gürcüstanın xarici işlər naziri İlia Darçiaşvili BMT Baş Assambleyası çərçivəsində Albaniyanın Xarici İşlər Nazirliyinin rəhbəri Olqa Jaçka ilə görüşüb. İlia Darçiaşvili və Olqa Jaçka Gürcüstan və Albaniya arasında əməkdaşlığın və yüksək səviyyəli əlaqələrin inkişaf etdirilməsi və intensivləşdirilməsi yollarından danışıblar, bu Gürcüstanın Avropa istəklərini nəzərə alarsaq xüsusi əhəmiyyət kəsb edir. Məlumatı Gürcüstan Xarici İşlər Nazirliyi yayır.

“İdarədən verilən məlumatda nazirlərin Avropa Komissiyasının Gürcüstana Avropa perspektivinin verilməsi ilə bağlı qərarını və Komissiyanın prioritetlərinin yerinə yetirilməsi üzrə davam edən prosesi müzakirə etdikləri deyilir. Avropa İttifaqına daxil olmaq yolunda Albaniyanın təcrübəsinin paylaşılmasının vacibliyi vurğulanıb. Nazir həmkarına Gürcüstanın suverenliyi və ərazi bütövlüyünü dəstəklədiyinə görə təşəkkür edib. Həmçinin, NATO-ya inteqrasiya yolunda Albaniyanın siyasi və praktiki iştirakı qeyd olunub. İkitərəfli münasibətlər istiqamətində digər məsələlərlə yanaşı, iqtisadiyyat və turizm sahəsində əməkdaşlıq potensialına da diqqət yetirilib. İlia Darçiaşvili alban həmkarını Gürcüstana rəsmi səfərə dəvət edib” – deyə XİN-dən bildirilib.