Azərbaycan Respublikasının prezidenti İlham Əliyev Gürcüstanda işgüzar səfərdədir.

Şota Rustaveli adına Tbilisi Beynəlxalq Hava Limanında İlham Əliyevin rəsmi qarşılanma mərasimi keçirilib.

Azərbaycan prezidentini hava limanında xarici işlər naziri İlia Darçiaşvili, Gürcüstanın Azərbaycan Respublikasındakı fövqəladə və səlahiyyətli səfiri Zurab Pataridze və Azərbaycan Respublikasının Gürcüstandakı fövqəladə və səlahiyyətli səfiri Faiq Quliyev qarşılayıblar.

Səfər çərçivəsində İrakli Ğaribaşvilinin İlham Əliyevlə təkbətək görüşü planlaşdırılır, bundan sonra da Gürcüstanın baş naziri və Azərbaycan Respublikasının prezidenti mətbuata birgə bəyanatlarla çıxış edəcəklər.

İlham Əliyev Gürcüstana hökumət nümayəndə heyəti ilə birlikdə səfər edib.