Bu gün biz Ermənistanla sülh sazişi üzərində fəal işləməliyik. Ümid edirəm ki, biz buna nail olacağıq və Cənubi Qafqazda Gürcüstan, Ermənistan və Azərbaycanın iştirakı ilə qarşılıqlı əməkdaşlığın baş tutacağı siyasi mühit və vəziyyət yaradacağıq”, – Azərbaycan Respublikasının Prezidenti İlham Əliyev Gürcüstanın Baş naziri İrakli Qaribaşvili ilə Bioli Mərkəzində keçirilən birgə brifinqdə deyib.

Onun sözlərinə əsasən, Ermənistan razılığını bildirsə, Gürcüstanda dərhal ikitərəfli və üçtərəfli görüşlər başlayacaq.

“Bu gün Ermənistanla Azərbaycan arasında vəziyyətin normallaşması ilə bağlı söhbətimiz oldu. Dağlıq Qarabağda baş verən ikinci müharibə bizim ərazi bütövlüyümüzün bərpasına gətirib çıxardı, bütün ölkənin suverenliyini bərpa etdi və bu gün biz Ermənistanla sülh sazişi üzərində fəal işləməliyik. Ümid edirəm ki, biz buna nail olacağıq və Cənubi Qafqazda Gürcüstan, Ermənistan və Azərbaycanın iştirakı ilə qarşılıqlı əməkdaşlığın baş tutacağı siyasi mühit və vəziyyət yaradacağıq. Bu, enerji, ticarət, investisiya və bir çox başqa sahələrdə uğurlu əməkdaşlıq olacaq. Bu mümkündür. Bu fürsət əskik idi, dostlar, ona görə ki, Azərbaycan əraziləri illərdir işğalda olub və təbii ki, bu vəziyyət bizə normallaşma istiqamətində addımlar atmağa imkan vermirdi, amma vaxt gəlib çatıb, bu fürsəti əldən verməmək üçün bizə bir an vaxt verilib. Bildiyiniz kimi, bu gün bir neçə ölkə və beynəlxalq təşkilatlar vasitəçi rolundadır, normallaşma prosesində Gürcüstan və Azərbaycan qəbuledici mövqedədir, bu, ölkələrimizin ərazi bütövlüyünə münasibətdə qərəzsiz mövqedir. İstənilən yardımı qəbul edirik, amma mənim fikrim budur ki, ən düzgün seçim, istər tarixi, istərsə də başqa, coğrafi baxımdan, Gürcüstanın bu vəziyyətdə iştirakına ehtiyacımız var və bizə bu məsələdə kömək etməyə hazır olduğuna görə və bizə təklif etdiyi vasitəçi roluna hazır olduğuna görə cənab Baş nazirə təşəkkür edirəm və biz Ermənistandan da bunu gözləyirik. Əgər Ermənistan razılıq versə, biz dərhal burada, Gürcüstanda müvafiq qurumlar vasitəsilə ikitərəfli və üçtərəfli görüşlərə başlayacağıq”, – İlham Əliyev bildirib.