Azərbaycanın Prezidenti İlham Əliyev Bakıda səfərdə olan Belarusun Prezidenti Aleksandr Lukaşenko ilə görüşüb.

“Biz ölkələrimiz arasında qarşılıqlı hörmət, dostluq və əməkdaşlığa əsaslanan etimadlı, yaradıcı tərəfdaşlığı yüksək qiymətləndiririk. Münasibətlər zamanla sınaqdan keçirilib. Hesab edirəm ki, Belarusla Azərbaycanın iki etibarlı dost olduğuna heç kim şübhə etmir”- Əliyev görüş zamanı deyib.

Öz növbəsində Lukaşenko ev sahibi ölkənin prezidentinə müharibədən sonra ərazilərin bərpasına kömək etməyi təklif edib. Həmçinin, Belarusun Prezidenti qeyd edib ki, Minsklə Bakı arasında qapalı mövzular yoxdur, hər iki ölkə dünyanı və onun hara doğru getdiyini yaxşı başa düşür.

“Bizim qapalı mövzularımız yoxdur, hər şey açıqdır. Kimsə hansı məsələləri müzakirə etdiyimizi eşitsəydi, düşünərdi: bizim necə münasibətlərimiz var? Ən mehriban, ən yaxın. Biz qardaş kimi ünsiyyət qururuq, dünyanı və onun hara getdiyini başa düşürük” – Lukaşenko bildirib.