Fevralın 1-dən ictimai nəqliyyatda limitsiz abunə sistemi istifadəyə veriləcək. Bu barədə paytaxt meri Kaxa Kaladze Tbilisi hökumətinin bugünkü iclasında bildirib.

Kaxa Kaladzenin qeyd etdiyi kimi, fevralın 1-dək əhalinin metro, avtobus və mikroavtobus istifadəçiləri üçün abonement almaq imkanı olacaq.

Onun sözlərinə görə, yanvarın 5-dən etibarən kartlar Metropoliten kassalarında və “Bank of Georgia”nın ekspress filiallarında satışa çıxarılacaq.

“Abonementlərə gəlincə, bizdə limitsiz 90 dəqiqəlik kart olacaq, onun qiyməti bir lari olacaq. Və avtomobillər arasında keçid zamanı 90 dəqiqə ərzində əlavə ödəniş edilməyəcək.

İkincisi, üç lariyə başa gələcək, limitsiz, bir günlük kartdır. Bu kartın sahibi cəmi 3 lari ödəməklə bütün günü istənilən növ ictimai nəqliyyatda səyahət edə biləcək.

Biz həmçinin 20 lari olan limitsiz bir həftəlik kartı təqdim edirik. Bu kartın sahibi həftə ərzində bütün növ ictimai nəqliyyatda səyahət edə biləcək. Onun qiyməti 20 lari olacaq, bu kart turistlər üçün nəzərdə tutulub, çünki digər növ kartlar ictimai nəqliyyatın aktiv istifadəçiləri üçün daha maraqlıdır.

Limitsiz bir aylıq kartın qiyməti 40 lari olacaq. Bu kartın sahibi bütün ay ərzində cəmi 40 lari ödəməklə istənilən ictimai nəqliyyat növü ilə səyahət edə biləcək. Bizdə həmçinin 100 lariyə başa gələcək üç aylıq limitsiz kartımız var, bu kart aktiv nəqliyyat istifadəçiləri üçün daha yüksək qənaət imkanı verir. Həmçinin limitsiz 6 aylıq kartımız var, onun qiyməti 150 lari olacaq. Bizdə bir illik abunə kartları da var, onların qiyməti 250 lari olacaq. Bir illik kart sahibi ayda cəmi 20 lari ödəməklə istənilən nəqliyyatdan limitsiz istifadə edə bilər.

Endirimli proqramlarımız da var. Tbilisidə qeydiyyatda olan görmə əhdudiyyətli şəxslər, onları müşayiət edən şəxslər, eləcə də şagirdlər, ərazi inspektorları, Tbilisi polis idarəsinin əməkdaşları pulsuz ictimai nəqliyyatla təmin olunurlar. Tbilisi bələdiyyə uşaq bağçalarının işçiləri, Tbilisidə qeydiyyatda olan veteranlar və s. Güzəştli səyahət tariflərinə gəlincə – Tbilisi Ali Təhsil Müəssisəsinin tələbələri, dövlət ümumi təhsil müəssisələrinin işçiləri, pensiyaçılar, Tbilisiyə məxsus rayonun həkimləri, pediatrlar, resurs işçiləri və başqaları 20 tetri ödəmək hüququna malik olacaqlar. Bizdə güzəştli səyahət də var. Tbilisi ərazisində yaşayan və sosial cəhətdən həssas əhali bazasında 70 min və aşağı bal toplayan vətəndaşlar 10 tetrilik səyahət hüququ əldə edəcəklər”, – deyə Kaxa Kaladze bildirib.