Yaxın vaxtlarda İdman Sarayının bərpa işlərinə başlanılacaq. Tbilisi meri Kaxa Kaladzenin bu gün paytaxt hökumətinin iclasında dediyi kimi, binanın və onun ətrafının hazırkı vəziyyəti qənaətbəxş deyil.
“İdman Sarayı onilliklər ərzində şəhərimiz üçün ən vacib obyekt olub. O, tarixən idman, mədəni və sosial tədbirlər üçün əsas arenalardan biri olub. İdman Sarayının binası bələdiyyə müəssisəsinin mülkiyyətidir və 2007-ci ildə bağlanmış müqavilə əsasında onu idarə etmək hüququ ilə “Logic Group” şirkətinə verilib. İdman Sarayının hazırkı vəziyyəti ürəkaçan deyil, burada həddən artıq problem və çatışmazlıqlar var. Ona görə də onun təmir-bərpaya ehtiyacı var. Sözügedən müqavilənin şərtləri artıq müasir standartlara cavab vermir. Biz müvafiq şirkətlə işləmişik və əməkdaşlığa görə onlara təşəkkür etmək istəyirəm. Razılaşdıq ki, idman sarayının reabilitasiyaya ehtiyacı var və qeyd olunan işlərə çox yaxın vaxtlarda başlanacaq”. – Kaxa Kaladze dedi.
İşlərə gəlincə, Tbilisi merinin sözlərinə görə, bütün əsas məkanlar təşkil olunacaq, bu da döşəmə örtüyünün, oturacaqların, divarların, ziyarətçilərin, sirkulyasiya yerlərinin, soyunub-geyinmə otaqlarının, VIP-giriş, mebel və digər məkanların təşkili deməkdir.
“İdman Sarayının tarixi bina olduğunu nəzərə alsaq, mümkün qədər tarixi materiallar, xüsusən də təbii daş üzlüklər qorunacaq. İdman Sarayı çoxməqsədli təyinatı üçün zəruri olan avadanlıq və sistemlərlə, o cümlədən işıqlandırma, səs, video, ekran, səhnə, döşəmə örtüyü, növbə, yayım, bölücü, xüsusi effektlər və digər növ sistem və avadanlıqlarla təchiz ediləcək”. – Kaxa Kaladze qeyd etdi.
Onun sözlərinə görə, layihə çərçivəsində İdman Sarayının ətrafındakı istirahət və açıq məkanların tarixi funksiyasının bərpası da nəzərdə tutulub.
“Bu gün İdman Sarayının ətrafındakı ərazidə baş verənlər qətiyyən qəbuledilməzdir. Çox çətin vəziyyətdir, ona görə də hər şeyi yeniləmək lazımdır. İdman Sarayının yaxınlığında unikal istirahət məkanı təşkil olunacaq; metroya və ətraf məkanlara pilləkənlərin abadlaşdırılması; Eyni ərazidə idarəedici şirkət açıq meydançalar təşkil etməyi planlaşdırır; Dayanacaq zonası tənzimlənəcək və nəqliyyat planı həm yerli əhali, həm də İdman Sarayının qonaqları üçün uyğunlaşdırılacaq”, – deyə Kaxa Kaladze bildirib.
Paytaxt merinin sözlərinə görə, görülən işlər obyektin həm idman, həm də digər mədəni-ictimai tədbirlərin keçirilməsinə və çoxfunksiyalı yüklənməsinə şərait yaradacaq.
“Bu layihə idman sarayına yeni həyat gətirəcək, şəhərin mərkəzi, əhalinin sıx məskunlaşdığı ərazidə unikal istirahət və idman məkanı sakinlərin istifadəsinə veriləcək”. – Tiflis meri bildirib.
