İranın ruhani liderinin vədinə əsasən təcavüzkar cəzalandırıldı,- bu barədə İran prezidenti İbrahim Rəisi bildirib.

Onun sözlərinə görə, İranın İsrail ərazisinə dronlarla və raketlərlə həyata keçirdiyi hücumla “İran hakimiyyəti tarixi addım atıb və İsrailə münasib dərs verib”.

İbrahim Rəisin sözlərinə görə, İran son on gün ərzində BMT Təhlükəsizlik Şurasına dəfələrlə İsrailin qanun pozuntuları ilə bağlı məlumat verib, lakin BMT-nin cavabı ABŞ və İsrailin digər tərəfdarlarının təzyiqi ilə əngəllənirdi.

“İranın öz ərazi bütövlüyü, suverenliyi və milli maraqlarının qorunmasına yönəlmiş müdrik və mötəbər addımı təcavüzkarın məsuliyyətə cəlb edilməsi və bölgədə sabitliyin qorunması üçün mühüm tədbir idi”,- deyə İran prezidentinin bəyanatında deyilir.

Onun sözlərinə görə, əməliyyat çərçivəsində İranın hədəfi İsrailin hərbi obyektləri olub və onun qiymətləndirməsinə görə, bölgədə təhlükəsizlik və sabitliyə təhlükə yaradır. İbrahim Rəisin sözlərinə görə, İran silahlı qüvvələri hadisələrin inkişafını izləyəcək və İsrail və onun müttəfiqlərinin hər hansı təxribatçı hərəkətlərinə layiqli cavab verəcək.