Bu gün müzakirə keçirməkdən məmnunam. Şərq Tərəfdaşlığı ölkələrində yaşayan vətəndaşlar üçün Avropa perspektivinə sahib olmaq lazımdır -bu barədə Çexiyanın xarici işlər naziri İan Lipavski Brüsseldə “Şərq Tərəfdaşlığı” ministerialı başlamazdan əvvəl açıqlayıb.

O bildirib ki, Şərq Tərəfdaşlığı ölkələri qrupu siyasi baxımdan çox rəngarəngdir, o cümlədən Avropa İttifaqına yaxınlıq baxımından.

“İndilərdə “Şərq Tərəfdaşlığı” məsələsi üzərində işləyən qrupla işgüzar səhər yeməyində iştirak etdim. Bu, Aİ nazirlərinin iştirak etdiyi daxili müzakirə idi. İndi bizim Şərq Tərəfdaşlığına üzv dövlətlərin nazirlərinin iştirak edəcəyi daha geniş müzakirəmiz olacaq. Bu, Avropa İttifaqı Şurasına sədrlik edən ölkə kimi Çexiya üçün mühüm siyasətdir. Bu gün müzakirə keçirməkdən məmnunam. Şərq Tərəfdaşlığı ölkələrində yaşayan vətəndaşlar üçün Avropa perspektivinə sahib olmaq lazımdır. Şərq Tərəfdaşlığına daxil olan ölkələr qrupu siyasi baxımdan çox müxtəlifdir, o cümlədən Avropa İttifaqına yaxınlıq baxımından da. Biz bir çox siyasətləri irəli çəkirik, xüsusən də davamlılıq baxımından, bu, Avropa İttifaqı Şurasının sədri kimi Çexiyanın vəzifəsi idi”- deyə İan Lipavski bildirib.

İan Lipavski Şərq Tərəfdaşlığına üzv dövlətlərlə praktiki əməkdaşlığın zəruriliyinə də diqqət çəkib.

“Aydındır ki, bizim praktiki əməkdaşlığa ehtiyacımız var. Bağlantı, enerji layihələri və təhlükəsizlik sahəsində əməkdaşlıq məsələsi bu gün dəfələrlə qeyd olunub. Biz bunu praktiki işlə tamamlamalıyıq, lakin bu, təkcə praktiki iş deyil, həm də Şərq Tərəfdaşlığına üzv dövlətlərin vətəndaşları üçün siyasi baxışdır. Bir gün Avropa İttifaqına üzv olmaq marağı olan ölkələr üçün Avropa İttifaqı nəzərə alır, lakin bildiyiniz kimi, genişlənmə çox çətin prosesdir” -deyə İan Lipavski qeyd edib.

Brüsseldə Gürcüstanın xarici işlər nazirinin də iştirak edəcəyi “Şərq Tərəfdaşlığı”nın ministerialı keçiriləcək.