Hakimiyyət kilsəyə qarşı mübarizədə liderlik edir, hərçənd əminəm ki, müxalifətdə də bu cür əyləncələri bəyənənlər olacaq – “Qirçi” partiyasının lideri İaqo Xviçia bu barədə Gürcüstanın Birinci Kanalına açıqlayıb.

İaqo Xviçia kilsəyə qarşı mübarizənin səbəbinin nə ola biləcəyini açıqlayıb.

“Mən kilsəyə qarşı mübarizə görürəm, lakin əsas döyüşçülər “Gürcü Arzusu”ndandırlar. Səs yazılarını dərc edən onlar idi, din xadimlərini və onların sevgililərini onlar dinləyirdilər, sonra isə bu məlumatları ictimaiyyətə təqdim edirdilər. Ola bilsin ki, başqaları da kilsəyə qarşı mübarizə aparır, amma heç kim kilsəyə qarşı bundan artıq döyüşməyib. Hakimiyyət kilsəyə qarşı mübarizədə liderlik edir, hərçənd əminəm ki, müxalifətdə də bu cür əyləncələri bəyənənlər olacaq”- İaqo Xviçia bildirib.