Hökumət Gürcüstanda turizmin bərpası dinamikasının kifayət qədər sürətli templərlə xarakterizə olunduğuna dair məlumat yayır. Parlamentə təqdim edilən illik hesabatda hökumət 2022-ci ilin göstəricilərilə beynəlxalq səyahətçilərin səfərlərinin sayının 5 426 903 nəfər təşkil etdiyini, bunun da 2019-cu ilin göstəricisinin 58%-lə bərpa edilməsi mənasına gəldiyini qeyd edir.

“Beynəlxalq turistlərin sayı 3 652 949 nəfər təşkil edib, bu da 2019-cu ilin göstəricilərinin 71,9%-lə bərpası və 2021-ci illə müqayisədə +131,6%-lik artım göstəricisidir. Bərpa dinamikası sabit qalmaqda davam edir. 2023-cü ilin birinci rübünün göstəricilərinə əsasən beynəlxalq səyahətçilər tərəfindən edilən səfərlərin sayı 1 208 462-lə müəyyən edilib, bu da 2019-cu ilin göstəricilərinin 74,7%-lə bərpa göstəricisidir. Turistik səfərlər halında isə, sözügedən bərpa göstəricisi 95%-i (845 332 turist səfəri) keçir”- deyə hökumət qeyd edir.

Hökumət tərəfindən verilmiş məlumatda 2023-cü ildə ölkə tarixində ilk dəfə olaraq Gürcüstanın ev sahibi ölkə kimi ən böyük və ən nüfuzlu turizm sərgisində – “ITB Berlin 2023”də ləyaqətlə təmsil olunduğu, bunun da ölkənin turizm istiqaməti və turizm məhsullarını bütün dünyaya tanıtmaq üçün olduqca böyük fürsət olduğu deyilir.

Qeyd etmək lazımdır ki, 160-dan çox ölkədən 5500 iştirakçının iştirak etdiyi sərgi üç illik fasilədən sonra ilk dəfə LIVE formatda keçirilib.