Gürcüstan Hökuməti Administrasiyasının təşkilatçılığı ilə dövlət qurumları və inkişaf tərəfdaşları arasında iqtisadi artım mövzusunda tematik koordinasiya qrupu görüşü keçirildi.

Hökumət administrasiyasının mətbuat xidmətindən verilən məlumata görə, iclasa Gürcüstanın iqtisadiyyat və dayanıqlı inkişaf nazirinin müavini Qenadi Arveladze və Avropa İnvestisiya Bankının Regional Nümayəndəliyinin rəhbəri Maçei Çura rəhbərlik edib. Gürcüstan Hökuməti Administrasiyası rəhbərinin müavini Revaz Javelidze və BMT -nin Gürcüstandakı rezident əlaqələndiricisi Sabine Maxli görüş iştirakçıları qarşısında çıxış ediblər. Sahənin əhəmiyyəti və inkişafının kompleks amilləri, xüsusilə həyatın bütün sahələrinə təsir edən pandemiya fonunda vurğulandı.

Görüşdə əlaqədar dövlət qurumlarının nümayəndələri gördükləri işləri və öz sahələrində əldə etdikləri uğurları nəzərdən keçirdilər, sahə prioritetləri və onlara çatmaq yolundakı ehtiyaclar haqqında ətraflı danışdılar. Görüşdə özəl sektorun inkişafı, kənd təsərrüfatı və kənd inkişafı üçün iqtisadi baxış, infrastruktur layihələri və yaşıl iqtisadiyyat kimi əsas sahələr müzakirə edildi. Görüşdə inkişaf tərəfdaşları müzakirə olunan məsələlərlə bağlı fikirlərini və gələcək əməkdaşlığa hazır olduqlarını bildiriblər.

Gürcüstan Hökumətinin Donor Koordinasiya Şöbəsi tərəfindən təşkil edilən tematik koordinasiya qruplarının (sosial rifah, təbii sərvətlərdən davamlı istifadə, iqtisadi artım, insan resurslarının inkişafı, demokratik idarəetmə, qanunun aliliyi və ədalət) iclasları ildə bir dəfə keçirilir.