Macarıstanın Baş naziri Viktor Orbanın Hökumət Administrasiyasında rəsmi qarşılanma mərasimi keçirilib.

Qarşılanma mərasimində Macarıstanın və Gürcüstanın dövlət himnləri səsləndirilib.

Rəsmi qarşılanma mərasimindən sonra İrakli Ğaribaşvili və Viktor Orban arasında təkbətək görüş planlaşdırılır.

Həmçinin səfər çərçivəsində Gürcüstan-Macarıstan hökumətlərarası komissiyasının iclası keçiriləcək, bundan sonra memorandumun imzalanması mərasimi baş tutacaq. Bundan başqa, Gürcüstan və Macarıstanın baş nazirləri mətbuata birgə bəyanatlarla çıxış edəcəklər.

Macarıstanın Baş naziri Viktor Orban dünən öz nümayəndə heyəti ilə Gürcüstana səfər edib. Macarıstanın Baş naziri xanımı Aniko Levais ilə Tbilisiyə gəlib.