Gürcüstanın baş naziri İrakli Ğaribaşvili ilə Ermənistanın baş naziri Nikol Paşinyan arasında telefon danışığı baş tutub.

Ermənistanın baş naziri Nikol Paşinyanın təşəbbüsü ilə söhbət baş tutub. Nikol Paşinyan İrakli Ğaribaşviliyə Azərbaycan Respublikası ilə Ermənistan Respublikası arasında növbəti hərbi eskalasiya və qarşıdurma nəticəsində yaranmış vəziyyət barədə məlumat verib.

İrakli Ğaribaşvili tərəflərin danışıqlar masasına qayıdacağına və vəziyyətin sülh yolu ilə həll olunacağına ümid etdiyini bildirib.

Gürcüstanın baş naziri ölkənin regionda sülh və gərginliyin azaldılması üçün fəal vasitəçilik etməyə hazır olduğunu bir daha təsdiqləyib.

Məlumatı Gürcüstanın Hökumət Administrasiyası yayır.