Avropanın Anti-korrupsiya Araşdırmaları Mərkəzi (Avropa Anti-korrupsiya və Dövlət Quruculuğu Araşdırmaları Mərkəzi) qlobal şəffaflığın 2023-cü il üçün “Müharibə dövründə şəffaflıq” hesabatını dərc edib. 2023-cü ilin Şəffaflıq İndeksinə görə, Gürcüstan kəskin 54-cü yerdən dünyanın ən yaxşı iyirmiliyində, 17-ci yerə yüksəlib.

Dünya şəffaflıq reytinqində Gürcüstan Aİ-yə üzv olan 15 dövləti və “G7” üzvü olan dörd dövləti qabaqlayır, bununla yanaşı Finlandiya, İsveç və Böyük Britaniya kimi qabaqcıl ölkələrlə bərabərdir.

Gürcüstan Kanada, Almaniya, Yaponiya, İtaliya, İsveçrə, İrlandiya, İslandiya, Danimarka, Çexiya, Portuqaliya, Malta, Avstriya, Polşa, Macarıstan, İsrail, Yunanıstan, Belçika, Lüksemburq, Niderland, Avstraliya, Kipr, Cənubi Koreyanı qabaqlayır.

Avropanın Anti-korrupsiya Araşdırmaları Mərkəzinin açıqlamasına əsasən “Hesabat bütün dünyada hökumətin şəffaflığının cari vəziyyətini araşdırır, 143 ölkə üçün faktiki şəffaflıq ölçüsü təklif edir. İndeks balı, Dayanıqlı İnkişafın 16-cı məqsədinin və BMT-nin Korrupsiyaya Qarşı Konvensiya meyarlarından istifadə etməklə, ölkənin harada olduğu və faktiki şəffaflıq və hesabatlılıq əsasında harada olması barədə təsəvvürlərə deyil, faktlara əsaslanan məsafəni ölçür”.

Avropanın Anti-korrupsiya Araşdırmaları Mərkəzinin dərc etdiyi “Dövlət Dürüstlük İndeksi”nə gəlincə, o, dəyişməz qalıb və Gürcüstan 6,72 balla dünyada 32-ci yerdədir. Araşdırmalara əsasən, Gürcüstan dövlət sektorunun dürüstlüyünə görə Şərqi Avropa və Mərkəzi Asiya regionunda birinci yerdədir, postsovet məkanında isə yalnız Estoniyadan geri qalır və hamını qabaqlayır.

İndeks ölkədə korrupsiyaya nəzarətin səviyyəsini qiymətləndirir, yüksək bal korrupsiyaya nəzarətin yüksək səviyyəsinə, aşağı bal isə korrupsiyaya zəif nəzarətə uyğundur. İndeks dövlətin dürüst idarəçilik təcrübəsini, məhkəmə müstəqilliyini və mətbuat azadlığını, inzibati yükün səviyyəsini, dövlətin hesabatlılığı və şəffaflığının göstəricilərini araşdırır.

Hesabat Birləşmiş Millətlər Təşkilatının, Dünya Bankının, Dünya İqtisadi Forumunun, digər beynəlxalq səviyyədə tanınmış qurumların və qlobal qiymətləndirmə təşkilatlarının profil araşdırmalarına və hesabatlarına əsaslanır. Layihə Avropa İttifaqının Tədqiqat və İnkişaf üzrə Yeddinci Çərçivə Proqramı tərəfindən dəstəklənib.

Məlumatı Hökumət Administrasiyası yayır.